Професорката по пијано на Факултетот за музичка уметност, Сара Пројковска, која беше придружен вокал во групата „ДНК“, го загуби животот во пожар во дискотека во Кочани, потврдија од Факултетот за музичка уметност.
Нејзината колешка Ана Костадиновска, која пее и придружен вокал за „ДНК“ и предава во средно музичко училиште, е во стабилна состојба и се лекува дома, потврди нејзиното семејство.
Пројковска била самохрана мајка на две деца, пренесува порталот „Сакам да кажам“.
Таа во текот на својата кариера пееше придружни вокали за речиси сите поп пејачи во Македонија. Нејзиниот поранешен сопруг, џез-трубач и професор по труба, Александар Николовски, почина во 2021 година на 48-годишна возраст.
Факултетот за музичка уметност во Скопје потврди дека Сара Пројковска, позната како придружен вокал на популарниот македонски бенд „ДНК“, го загубила животот во страотен пожар што избувна во дискотека во Кочани.
Да потсетиме, најмалку 59 лица загинаа во пожар што избувна ноќта меѓу саботата и неделата во дискотеката „Пулс“ во Кочани. Најмладата жртва имала само 14 години. Најмалку 150 лица се повредени и пренесени во болниците во Кочани, Штип и Скопје. Во моментот на пожарот настапувал бендот ДНК, а неговите членови загинале, а дел од повредените се пренесени во болници.
Во моментот на пожарот во дискотеката имало најмалку 500 луѓе. Снимките кои кружат на интернет покажуваат дека гостите во диско се забавуваат, додека прскалките се активираат во близина на сцената. Во еден момент прскалките удриле во таванот и моментот бил фатен како таванот почнал да гори. Гостите во паника се обиделе да го изгаснат пожарот кој со молскавична брзина почнал да го зафаќа покривот.
